عشق و محبت کی انوکھی داستان  مولانا جلال الدین رومی رحمتہ اللّہ علیہ فرماتے ہیں کہ میں نے عشق کی انتہا کا واقعہ پڑھا آپ رحمتہ اللہ علیہ فرماتے ہیں ایک دن حضرت ابوہریرہ رضی اللّہ عنہُ حضور نبی کریم صلی اللّہ علیہ وآلہ واصحابہ وسلم کی زیارت کے لیے حاضر ہوئے تو آپ صلی اللّہ علیہ وآلہ واصحابہ وسلم کو مسجد میں نہ پا کر بے تاب ہو گئے اور شوقِ دِید میں نِکلے دریافت کِیا تو کسی نے پہاڑ کی طرف اِشارہ کِیا وہاں گئے تو چرواہا بکریاں چَرا رہا تھا اس سے پوچھا کہ میرے آقا صلی اللّہ علیہ وآلہ واصحابہ وسلم کو کہیں دیکھا ہے؟ اس چرواہے نے کہا میں تیرے آقا کریم صلی اللہ علیہ وآلہ واصحابہ وسلم کو تو نہیں جانتا اِتنا جانتا ہوں کہ اس غار میں تین دن رات سے کوئی اس قدر درد و سوز سے سجدے میں گریہ و زاری کر رہا ہے کہ میری بکریوں نے ہی نہیں بلکہ تمام چرِند و پرِند نے کھانا پینا ہی چھوڑا ہُوا ہے حضرت ابوہریرہ رضی اللّہ عنہُ نے فرمایا کچھ جانتا ہے کیا الفاظ بول رہا ہے؟ تو چرواہے نے کہا می کند با گریہ ہر ساعتی نالہء یااُمّتی یااُمّتی ہر گھڑی یااُمّتی یااُمّتی کی پُکار کر رہا ہے اپنی موجودہ اور اپنے ب...

پندرہ شعبان (شبِ برأت) کی فضیلت تحریر : شیخ الاسلام حضرت مولانا مفتی محمد تقی عثمانی صاحب شب ِ برات کے بارے میں یہ کہنا بالکل غلط ہے کہ اس کی کوئی فضیلت حدیث سے ثابت نہیں ، حقیقت یہ ہے کہ دس صحابہ کرام رضوان اللہ علیہم اجمعین سے احادیث مروی ہیں جن میں نبی کریم صلی اللہ تعالی علیہ وسلم نے اس رات کی فضیلت بیان فرمائی، ان میں سے بعض احادیث سند کے اعتبار سے بیشک کچھ کمزور ہیں اور ان احادیث کے کمزور ہونے کی وجہ سے بعض علماءنے یہ کہہ دیا کہ اس رات کی فضیلت بے اصل ہے، لیکن حضرات محدثین اور فقہاءکا یہ فیصلہ ہے کہ اگر ایک روایت سند کے اعتبار سے کمزور ہو لیکن اس کی تایید بہت سی احادیث سے ہوجائے تو اسکی کمزوری دور ہوجاتی ہے، اور جیساکہ میں نے عرض کیا کہ دس صحابہ کرام سے اسکی فضیلت میں روایات موجود ہیں لہٰذا جس رات کی فضیلت میں دس صحابہ کرام سے روایات مروی ہوں اس کو بے بنیاد اور بے اصل کہنا بہت غلط ہے۔ شب برات میں عبادت :۔ امت مسلمہ کے جو خیرالقرون ہیں یعنی صحابہ کرام کا دور ، تابعین کا دور، تبع تابعین کادور، اس میں بھی اس رات کی فضیلت سے فائدہ اٹھانے کا اہتمام کیا جاتا رہا ہے،لوگ اس ر...

اُمُّ المؤمنین    حضرت سیدتنا حفصہ رَضِیَ اللّٰهُ تَعَالٰی عَنْھَا نبی کریم صلی اللّٰه تعالیٰ علیہ وآلہ وسلم کے دریائے رحمت، چشمہ علم و حکمت اور فیضِ صُحبت سے حصہ پانے والی خوش نصیبوں میں ایک حضرت سیّدتُنا حفصہ رَضِیَ اللّٰهُ تَعَالٰی عَنْھا بھی ہیں جو کہ امیر المؤمنین حضرت سیّدنا عمر فاروقِ اعظم رَضِیَ اللّٰهُ تَعَالٰی عَنْه کی صاحبزادی ہیں۔ نام و نسب:- آپ رَضِیَ اللّٰهُ تَعَالٰی عَنْھا حُضُور عَلَیْهِ الصَّلٰوۃُ والسَلَام کے اِعلانِ نُبُوَّت سے 5 سال پہلے پیدا ہُوئیں، آپ کا نام حفصَہ اور والِدَہ کا نام زینب بنتِ مَظعُون تھا۔ آپ اپنے والدِ محترم کی ترغیب پر نورِ ایمان سے مشرف ہوئیں اور اپنے پہلے شوہر حضرت خُنیس بن حُذافَہ سہمی رَضِیَ اللّٰهُ تَعَالٰی عَنْه کے ساتھ مکہ مکرمہ سے مدینہ مُنوَّرَہ ہجرت فرمائی۔                                    (طبقات کبریٰ، 65/8) اوصاف و کردار:- آپ رَضِیَ اللّٰهُ تَعَالٰی عَنْھا نہایت بلند ہمت، بکثرت روزے رکھنے والی اور رات عبادت میں گزارنے والی عاب...

اَصحابِ کَہف آج سے تقریباً 2 ہزار سال پہلے ملکِ رُوم کے شہر اُفسُوس میں ایک ظالم بادشاہ دَقیانُوس کی حکومت تھی جو شخص بُتوں کی پُوجا نہ کرتا اسے قتل کروا دیتا تھا ایک دن اِیمان والوں کے قتل کا مَنظر دیکھنے کے لئے چند نوجوان آئے اللّٰه عزوجل نے اُن کی آنکھوں سے پَردے ہٹا دیئے تو اُنہوں نے دیکھا کہ جس مؤمن کو بھی قتل کیا جاتا فرشتے آسمان سے اُترتے اور اُس کی رُوح کو اپنے ساتھ لے جاتے یہ اِیمان اَفروز مَنظر دیکھ کر وہ سب نوجوان ایمان لے آئے۔ تین دن کی مہلت بادشاہ دَقیانُوس کو سفر پر جاتے ہوئے اِس بات کا عِلم ہوا تو اُس نے اُنہیں 3 دن کی مہلت دی کہ میرے واپس آنے تک ایمان سے پِھر جاؤ ورنہ تمہیں قتل کر دیا جائے گا تیسرے دن یہ صاحبِ ایمان نوجوان کچھ مال لے کر رات کے وقت شہر سے رُخصت ہو گئے راستے میں اُنہیں اپنے خاندان کی بکریاں چَرانے والا ایک چَرواہا ملا جسے اُنہوں نے اپنا ماجرا بیان کیا اور اسے بھی اِیمان کی دعوت دی چَرواہے نے اِیمان قبول کیا اور اُن کے ساتھ شامل ہو گیا چَرواہے کا رَکھوالی کرنے والا کُتّا بھی ساتھ ہی چل پڑا یہ سب سفر کرتے کرتے صُبح کے وقت شہر سے تقریباً 6 میل دُور ایک ...